中共黨員名單曝光事件 - 維基百科

呢張195萬中共黨員嘅名單，係由中國境內嘅異議人士喺上海一個伺服器攞到，後來交畀由全球多國150名議員組成嘅對華政策跨國議會聯盟，再由聯盟轉發畀其他傳媒。

黨員名單內 ... 中共黨員名單曝光事件 出自維基百科，自由嘅百科全書 跳去導覽 跳去搵嘢 中共黨員名單曝光事件，係指喺2020年12月，對華政策跨國議會聯盟取得一張195萬中共黨員名單，當中發現有唔少中共黨員滲透大型跨國企業及駐中國嘅外國使領館，包括澳洲、美國、英國、德國、瑞士、印度、新西蘭、意大利同埋南非等等國家都有呢個情況[1]。

目錄 1事件經過 2各地情況 2.1澳洲 2.2英國 3參考 4睇埋 事件經過[編輯] 呢張195萬中共黨員嘅名單，係由中國境內嘅異議人士喺上海一個伺服器攞到，後來交畀由全球多國150名議員組成嘅對華政策跨國議會聯盟，再由聯盟轉發畀其他傳媒。

黨員名單內大約195萬中共黨員任職嘅跨國機構，包括藥廠輝瑞、阿斯特捷利康、航空企業波音、福士車廠，澳新銀行、匯豐銀行、勞斯萊斯等。

另外，駐上海嘅澳洲、英國同美國使館亦畀中共滲透[2][3]。

名單嘅時間可以追溯至2016年，內含上海地區嘅黨員姓名、出生日期、族裔，有啲仲有地址同埋電話號碼。

名單又細分成79,000幾個分支，好多分支都同個別公司或者機構有關[4][5]。

各地情況[編輯] 澳洲[編輯] 外洩名單顯示，喺澳洲駐上海大使館，至少十個中共黨員係嗰度做。

另外，澳新銀行，新南威爾士大學，甚至係一啲同澳洲政府簽署咗敏感國防合約嘅企業，亦有黨員喺嗰度做[2][6]。

有外交事務專家警告，有啲中共黨員喺領事館做咗成十六年，可能係國家資助間諜網嘅一部分，操作違反規定，仲危及國家安全[7]。

澳新銀行之後回應事件，話佢哋唔干預員工參與政治團體嘅活動[7]。

有澳洲策略政策研究所執行董事，前國防部副次長詹寧斯就警告，中共能夠控制黨員做佢想做嘅事，澳洲唔夠能輕視呢件事[6]。

事件引發澳洲政府對協助招聘嘅中國資助僱傭機構（上海外國機構服務處）嘅調查，多個國會議員都關注，例如參議員帕特里克（RexPatrick）就話，外長派恩（MarisePayne）要解釋點解澳洲外交部要透過一間僱傭機構嚟聘用中共黨員喺領事館入面做嘢，又要求派恩必須確保中共黨員唔可以接觸到敏感或者機密嘅資訊[6]。

去到12月15號，SBS報道政府開始展開關於「上海外國機構服務處」為中國共產黨進行滲透任務嘅調查[1]。

英國[編輯] 英國《星期日郵報》（TheMailonSunday）分析後發現，有幾個中共黨員喺英國領事館任職，例如一個曾就讀聖安德魯大學（StAndrewsUniversity）嘅中共黨員，就喺包括英國以內，多個外國駐上海嘅領事館工作過。

星期日郵報同時指出，中共黨員亦有進去英國大學，參與航太工程，化學等可能涉及機密領域嘅研究[4]。

另外，有超過六百個中共黨員為英國匯豐銀行同埋渣打銀行工作。

而呢兩間銀行回應北京打壓香港嘅方式，例如匯豐凍結前香港民主黨立法會議員許智峯同埋佢屋企人嘅銀戶口，都遭受批評[4]。

事件引起英國震驚。

英國外交部回應事件嘅時候，堅稱擁有健全嘅程序，去保護資料安全性同埋審查外館人員。

不過，前保守黨黨魁史密斯（IainDuncanSmith）就喺星期日郵報上撰文表示，呢次事件證實中共黨員已經散播全球，英國政府必須即刻採取動作，將英國駐中國領事館內嘅所有中共黨員驅離或者免職[4]。

英國前外交官兼中國專家亨德森（MatthewHenderson）就形容，事件進一步證明中國點樣滲透英國機構，推翻民主制度，形容英國政府喺度「與狼共舞」。

英國倫敦亨利積遜協會（HenryJacksonSociety）外交政策智囊團嘅岩士壯（SamArmstrong）就話，事件令人深感不安，呢件事說明咗中共喺全球嘅入侵，大家唔能夠視而不見[5][3]。

包括史密斯在內嘅有三十個國會議員表示，將會喺下議院提出緊急質詢[8][9][7]。

參考[編輯] ↑1.01.1"中共黨員「滲透」駐上海領事館澳洲情報部門展開調查".SBSYourLanguage(中文).喺2020-12-17搵到. ↑2.02.1"195萬中共黨員名單外洩澳洲使館銀行大學遭滲透".SBSYourLanguage(中文).喺2020-12-14搵到. ↑3.03.1"名單外洩195萬中共黨員滲透輝瑞等跨國企業｜蘋果新聞網｜蘋果日報".蘋果新聞網(中文).喺2020-12-14搵到. ↑4.04.14.24.3"中共黨員名單外洩英媒：產官學都遭滲透|國際|重點新聞|中央社CNA".www.cna.com.tw(中文).喺2020-12-14搵到. ↑5.05.1自由時報電子報(2020-12-13)."中共195萬黨員名單外洩！英媒︰領館、銀行、輝瑞等遭中國滲透-國際".自由時報電子報(中文).喺2020-12-14搵到. ↑6.06.16.2"中共黨員「滲透」駐上海領事館澳洲情報部門展開調查".SBSYourLanguage(中文).喺2020-12-15搵到. ↑7.07.17.2"中共党员数据泄露：党员在澳洲等西方驻华使领馆任职".澳大利亚人报中文网|国内外时事新闻|金融财经|教育|房产投资(英文).2020-12-14.喺2020-12-14搵到. ↑房伊媚(2020-12-13)."英媒：中共黨員被指滲透英國使館與企業議員將提緊急質詢".香港01(中文).喺2020-12-14搵到. ↑"英媒：中共黨員滲透英使館企業議員稱將提緊急質詢｜兩岸｜商業電台881903".商業電台881903(中文).2020-12-13.喺2020-12-14搵到. 睇埋[編輯] 中華人民共和國對外宣傳 由「https://zh-yue.wikipedia.org/w/index.php?title=中共黨員名單曝光事件&oldid=1533103」收 屬於2類：中華人民共和國事件中華人民共和國屬於2隱類：CS1中文語言來源(zh)CS1英文語言來源(en) 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 變種 expanded collapsed 外觀 閱改睇返紀錄 多啲 expanded collapsed 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲話 中文 改拎